دکانداروں کیلئے حکومت کی فکسڈ ٹیکس اسکیم احسن قدم ہے، ایس ایم تنویر

ایس ایم تنویر کا کہنا ہے کہ دکانداروں کے لیے حکومت کی فکسڈ ٹیکس اسکیم قومی ٹیکس کی بنیاد کو وسیع کرنے کی طرف ایک اہم قدم ہے۔

ایس ایم تنویر نے فکسڈ ٹیکس اسکیم متعارف کروانے پر وزیر خزانہ اور وزیر مملکت برائے خزانہ کو مبارکباد پیش کی۔ ان کا کہنا تھا کہ یہ گیم چینجر اقدام تجارتی اور دکاندار تنظیموں کے ساتھ قریبی مشاورت سے تیار کیا گیا، 20 کروڑ یا اس سے کم سالانہ ٹرن اوور والے دکاندار ایک فیصد کی فکسڈ انکم ٹیکس کی شرح ادا کریں گے۔

ایس ایم تنویر نے دکانداروں کو ود ہولڈنگ ٹیکس کی کٹوتی کی اجازت دینے کے فیصلے کا بھی خیر مقدم کیا۔ ان کے مطابق یہ سہولت تاجروں کے مالی بوجھ میں کمی لانے اور کاروباری سرگرمیوں کو فروغ دینے میں معاون ثابت ہوگی۔

انہوں نے تاجر رہنما اجمل بلوچ کو بھی کامیاب مذاکرات پر مبارکباد دی۔