ملک بھر کے بجلی صارفین کیلئے خوشخبری؛ نوٹیفکیشن جاری

حکومت نے ملک بھر کے بجلی صارفین کیلئے بجلی کی قیمت میں کمی کا نوٹیفکیشن جاری کر دیا ہے۔

نیپرا کی جانب سے جاری کردہ نوٹیفکیشن کے مطابق  ملک بھر میں 3 ماہ کے لیے بجلی ایک روپے 99 پیسے فی یونٹ سستی کر دی گئی ہے۔

نوٹیفکیشن کے مطابق بجلی جنوری تا مارچ 2026 کی  سہ ماہی ایڈجسٹمنٹ میں سستی کی گئی ہے، سہ ماہی ایڈجسٹمنٹ کا اطلاق کے الیکٹرک صارفین پر بھی ہوگا۔

واضح رہے کہ بجلی صارفین کو 67 ارب 17 کروڑ 30 لاکھ روپے کا ریلیف ملے گا۔