پیٹرول کی قیمت میں اضافے کے بعد عوام کیلئے ایک اور بری خبر آگئی
After the increase in petrol prices, another bad news has come for the public
وفاقی حکومت نے پیٹرول اور ہائی اسپیڈ ڈیزل کی قیمتوں میں اضافے کے بعد مٹی کے تیل کی قیمت میں بھی 3 روپے 34 پیسے فی لیٹر کا اضافہ کر دیا ہے۔
ذرائع کے مطابق مٹی کے تیل کی نئی قیمت 185 روپے 5 پیسے فی لیٹر مقرر کی گئی ہے، جس کا اطلاق آج سے ہو چکا ہے۔ اس قیمت میں اضافے کا نوٹیفکیشن بھی جاری کر دیا گیا ہے۔
لائٹ ڈیزل آئل کی قیمت میں بھی 1 روپے 22 پیسے فی لیٹر کا اضافہ کیا گیا ہے۔ اب لائٹ ڈیزل آئل کی قیمت 163 روپے 98 پیسے فی لیٹر ہو گئی ہے۔ نئی قیمتیں آئندہ 15 روز تک نافذ العمل ہوں گی۔
یاد رہے کہ وفاقی حکومت نے گزشتہ روز پیٹرولیم مصنوعات کی قیمتوں میں اضافے کا اعلان کیا تھا۔ پیٹرول کی قیمت میں 2 روپے 43 پیسے فی لیٹر اور ہائی اسپیڈ ڈیزل کی قیمت میں 3 روپے 2 پیسے فی لیٹر اضافہ کیا گیا ہے۔ پیٹرول کی نئی قیمت 265 روپے 45 پیسے فی لیٹر اور ڈیزل کی قیمت 278 روپے 44 پیسے فی لیٹر ہو گئی ہے۔
حکام کے مطابق پیٹرولیم مصنوعات کی قیمتوں میں اضافہ عالمی مارکیٹ میں خام تیل کی قیمتوں میں اتار چڑھاؤ کی وجہ سے کیا گیا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.











