سولر استعمال کرنے والے صارفین کی موجیں ختم؛ اہم خبر آگئی
WebDesk
01 نومبر, 2025 10:30
Important news has arrived for solar panel users
وفاقی حکومت نے سردیوں کے موسم میں دن کے اوقات میں بجلی کی طلب میں کمی اور دن کی دھوپ کے باعث اضافی بجلی کی پیداوار کے خطرات کے پیش نظر نیٹ میٹرنگ کی قیمتوں میں کمی پر غور شروع کر دیا ہے۔
رپورٹس کے مطابق حکومت نیٹ میٹرنگ کی قیمت کو 22 روپے فی یونٹ سے کم کر کے 11.30 روپے فی یونٹ کرنے پر سوچ بچار کر رہی ہے۔ وزیراعظم نے اس معاملے پر متعلقہ حکام کو قیمتوں میں نظرثانی کی ہدایت دے دی ہے۔
سرکاری ذرائع کے مطابق چھتوں پر نصب سولر سسٹمز کے تیز رفتار پھیلاؤ کی وجہ سے گرڈ کے ذریعے بجلی کی فروخت میں 3.2 ارب یونٹس کی کمی آئی ہے۔ اس کمی کی وجہ سے ڈسٹری بیوشن کمپنیوں کے منافع میں 101 ارب روپے کی کمی دیکھنے کو ملی ہے۔ نتیجتاً ٹیرف کو 0.9 کلو واٹ آور تک بڑھانا پڑا ہے۔
پاور ڈویژن کے تخمینے کے مطابق اگر یہی صورتحال جاری رہی تو مالی سال 2034 تک یہ کمی 18.8 ارب یونٹس تک پہنچ سکتی ہے۔ اس کا مطلب یہ ہے کہ اس سے بجلی کی قیمتوں پر 545 ارب روپے کا اثر پڑ سکتا ہے۔ صارفین پر اس کا اثر 5 سے 6 روپے فی یونٹ تک ہو سکتا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
