سیمنٹ کی قیمت میں کمی کے حوالے سے بڑی خوشخبری
WebDesk
03 نومبر, 2025 17:53
A concerning update regarding cement prices has arrived
ملک بھر میں سیمنٹ کی قیمتوں میں معمولی کمی ریکارڈ کی گئی ہے۔
ادارہ شماریات کے تازہ اعداد و شمار کے مطابق شمالی شہروں میں سیمنٹ کی فی بوری کی اوسط ریٹیل قیمت 1364 روپے رہی جو گزشتہ ہفتے کے مقابلے میں 0.35 فیصد کم ہے۔ پچھلے ہفتے یہی قیمت 1369 روپے فی بوری تھی۔
رپورٹ کے مطابق جنوبی شہروں میں سیمنٹ کی فی بوری کی اوسط قیمت 1441 روپے رہی، جو گزشتہ ہفتے کے برابر رہی۔ اس سے ظاہر ہوتا ہے کہ جنوبی علاقوں میں سیمنٹ کی قیمتوں میں کوئی خاص تبدیلی نہیں آئی۔
اسلام آباد میں سیمنٹ کی فی بوری 1345 روپے میں فروخت ہوئی جبکہ راولپنڈی میں یہ قیمت 1346 روپے رہی۔ گوجرانوالہ میں سیمنٹ 1400 روپے فی بوری، سیالکوٹ میں 1350 روپے، لاہور میں 1406 روپے اور فیصل آباد میں 1380 روپے فی بوری میں دستیاب رہی۔
اسی طرح سرگودھا میں اوسط قیمت 1360 روپے، ملتان میں 1378 روپے اور بہاولپور میں 1407 روپے ریکارڈ کی گئی۔ پشاور میں سیمنٹ کی فی بوری 1334 روپے اور بنوں میں سب سے کم 1300 روپے میں فروخت ہوئی۔
جنوبی علاقوں میں کراچی میں سیمنٹ کی اوسط قیمت 1369 روپے، حیدرآباد میں 1427 روپے، سکھر میں 1500 روپے اور لاڑکانہ میں 1407 روپے ریکارڈ کی گئی۔ بلوچستان کے شہروں میں کوئٹہ میں فی بوری قیمت 1500 روپے جبکہ خضدار میں 1443 روپے رہی۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
