چینی کی قیمت سے متعلق تشویشناک خبر آگئی
WebDesk
03 نومبر, 2025 09:10
چینی کی قیمت سے متعلق تشویشناک خبر آگئی
ملک کے کئی شہروں میں چینی کی قیمت 200 روپے فی کلو تک پہنچ چکی ہے، جس نے عوام کو مزید مالی مشکلات میں مبتلا کر دیا ہے۔
وزارتِ غذائی تحفظ کی تازہ دستاویزات کے مطابق ملک بھر میں چینی کی قیمتوں میں سب سے کم اضافہ لاہور میں 44 روپے فی کلو اور سب سے زیادہ پشاور میں 72 روپے فی کلو ریکارڈ کیا گیا۔
گزشتہ ایک سال کے دوران چینی کی قیمتوں میں 50 روپے سے لے کر 72 روپے تک کا اضافہ ہوا، جس کا حکومت نے بھی اعتراف کیا ہے۔
وزارت کے مطابق نومبر 2024 میں چینی کی قیمت 132 روپے فی کلو تھی، جو کہ اکتوبر 2025 میں بڑھ کر 189 روپے تک جا پہنچی۔
اس کے علاوہ، اسلام آباد میں چینی کی قیمت 137 روپے فی کلو سے بڑھ کر 192 روپے فی کلو تک جا پہنچی۔
پاکستان کے مختلف شہروں میں چینی کے قیمتوں میں غیر معمولی اضافے کے اثرات واضح ہیں، لاہور میں 44 روپے، سیالکوٹ میں 49 روپے، فیصل آباد میں 52 روپے، اسلام آباد اور کراچی میں 55 روپے، خضدار میں 56 روپے، حیدر آباد میں 57 روپے، کوئٹہ میں 58 روپے، سکھر میں 64 روپے، اور پشاور میں 72 روپے فی کلو چینی کی قیمتوں میں اضافہ ہوا ہے۔
حکومت کی جانب سے چینی کے وافر ذخائر کے دعوے کے باوجود، قیمتوں پر قابو پانا ممکن نہیں ہو سکا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
دلچسپ و عجیب
‘یہ دلہن کے والد کی کمائی ہے، میں نہیں لے سکتا’، دلہے نے جہیز کے لاکھوں روپے ٹھکرا دیے
29-نومبر،2025
