کتنے یونٹ استعمال کرنے والے صارفین پر بجلی ڈیوٹی ٹیکس کا اطلاق ہوگا؟
WebDesk
04 نومبر, 2025 17:43
Big news for the public burdened by high electricity bills
پنجاب حکومت نے صوبے میں نیا "بجلی ڈیوٹی” ٹیکس عائد کرنے کا فیصلہ کر لیا ہے۔
یہ ٹیکس صرف اُن صارفین پر لاگو ہوگا جو 500 کے وی اے سے زیادہ بجلی استعمال کرتے ہیں۔ اس فیصلے کا مقصد بجلی کی بچت اور صوبائی ریونیو میں اضافہ بتایا جا رہا ہے۔
صنعتی اور کمرشل صارفین کو فی یونٹ چار پیسے بجلی ڈیوٹی دینا ہوگی۔ تاہم، حکومت نے واضح کیا ہے کہ گھریلو صارفین کو اس نئے ٹیکس سے مکمل استثنیٰ حاصل رہے گا۔ یعنی عام گھروں پر اس فیصلے کا کوئی اثر نہیں پڑے گا۔
حکومتی دستاویزات کے مطابق اس ڈیوٹی کے نفاذ کے لیے پنجاب فنانس ایکٹ 1964 میں ترامیم کی جائیں گی۔ صرف وہی صارفین اس ٹیکس کے دائرے میں آئیں گے جو نیشنل گرڈ سے زیادہ بجلی استعمال کرتے ہیں۔ ان سے یہ رقم متعلقہ ڈسکوز کے ذریعے وصول کی جائے گی۔
دوسری جانب وہ صارفین جو نجی ذرائع سے بجلی پیدا یا استعمال کرتے ہیں، ان سے الیکٹرک انسپکٹرز کے ذریعے یہ ڈیوٹی وصول کی جائے گی۔
اس کے علاوہ وہ ادارے یا فیکٹریاں جو 500 کے وی اے سے بڑے جنریٹرز استعمال کر رہی ہیں، انہیں بھی ٹیکس نیٹ میں شامل کیا جائے گا۔ تاہم، اس فیصلے پر عمل درآمد گورنر پنجاب کی حتمی منظوری کے بعد شروع ہوگا۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
پاکستان
عالمی یومِ یکجہتیِ فلسطین: وزیراعظم اور صدر مملکت کا یکجہتی پر مبنی خصوصی پیغام
29-نومبر،2025
