کن لوگوں کو پیٹرول نہیں ملے گا؟ وزارتِ توانائی نے ہدایت نامہ جاری کردیا
WebDesk
07 نومبر, 2025 15:13
How much will petroleum product prices decrease from December 1?
سعودی عرب کی وزارتِ توانائی نے پیٹرول اسٹیشنز کی انتظامیہ کو واضح ہدایات جاری کی ہیں کہ وہ ان صارفین کو پیٹرول فراہم نہ کریں جو سلامتی کے ضوابط کی خلاف ورزی کرتے ہیں۔
وزارت کی جانب سے جاری کردہ نئے ضوابط کے مطابق گاڑیوں میں پیٹرول بھرواتے وقت انجن کا بند کرنا ضروری ہوگا۔ وزارت توانائی نے اس اقدام کو عوامی سلامتی اور نظم و ضبط کو یقینی بنانے کے لیے اٹھایا ہے۔ ان ہدایات کا مقصد پیٹرول اسٹیشنز پر کسی بھی ممکنہ حادثے یا خطرات سے بچاؤ ہے، تاکہ گاڑیوں میں پیٹرول بھرتے وقت کوئی ناخوشگوار واقعہ پیش نہ آئے۔
رپورٹس کے مطابق وزارت نے پیٹرول اسٹیشنز کے انتظامیہ کو ہدایت دی ہے کہ وہ اسٹیشن کے داخلی اور خارجی راستوں کو علیحدہ کریں تاکہ لوگوں کو پیٹرول بھرواتے وقت کسی قسم کی مشکلات کا سامنا نہ ہو۔ اس کے علاوہ صارفین کو مخصوص راستوں کا انتخاب کرنا ضروری ہوگا۔ اس بات کا خیال رکھا جائے گا کہ گاڑیاں جلدی میں مخالف سمت سے اسٹیشن میں داخل نہ ہوں۔
نئے ضوابط کے مطابق اگر کوئی شخص گاڑی کا انجن بند کیے بغیر پیٹرول بھرواتا ہے تو اسے پیٹرول فراہم نہیں کیا جائے گا۔ وزارت توانائی کے فنی و تنظیمی امور کے سیکرٹری ماجد العتیبی کا کہنا تھا کہ ان ضوابط کا مقصد پیٹرول اسٹیشنز کی سروسز کو بہتر بنانا اور لوگوں کی حفاظت کو یقینی بنانا ہے۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
