بجلی میٹر لگوانے کے خواہشمندوں کیلئے بُری خبر آگئی
WebDesk
13 نومبر, 2025 11:45
Bad news for those wanting to get electricity meters installed
لیسکو میں بجلی کے میٹرز کے بعد اب دیگر اہم میٹریل کی شدید قلت پیدا ہو گئی ہے، جس کے باعث نئے کنکشنز اور مرمت کے کام متاثر ہونے لگے ہیں۔
ذرائع کے مطابق 100 اور 50 کے وی اے ٹرانسفارمرز کا اسٹاک مکمل طور پر ختم ہو چکا ہے۔ لیسکو حکام نے صارفین کو ہدایت کی ہے کہ وہ ڈیمانڈ نوٹسز کے تحت پرانے ٹرانسفارمرز استعمال کریں تاکہ بجلی کی فراہمی میں تعطل نہ آئے۔
مزید بتایا گیا ہے کہ ڈی فیوز سیٹ کا اسٹاک بھی ختم ہو چکا ہے، جس سے لائن لاسز کی مرمت اور کنکشن بحالی کے کاموں میں دشواری پیش آ رہی ہے۔ ذرائع کا کہنا ہے کہ لیسکو نے گزشتہ تین ماہ سے سنگل فیز میٹرز کے ڈیمانڈ نوٹسز پر میٹرز جاری نہیں کیے، جس سے کام کی رفتار کم ہوئی ہے۔
لیسکو حکام نے وضاحت کی ہے کہ درآمدی رکاوٹوں اور خریداری میں تاخیر کے باعث میٹریل کی فراہمی متاثر ہوئی ہے، تاہم آئندہ چند ہفتوں میں اسٹاک بحال کرنے کے لیے اقدامات کیے جا رہے ہیں۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
