16 نومبر سے پیٹرول کتنا سستا ہونے والا ہے؟ بڑی خوشخبری آگئی

عالمی منڈی میں بدھ کے روز تیل کی قیمتوں میں واضح کمی دیکھنے میں آئی۔

برینٹ کروڈ کی قیمت پہلے چار فیصد گر کر 60 ڈالر فی بیرل تک پہنچ گئی، تاہم بعد ازاں معمولی بہتری کے بعد 62 ڈالر فی بیرل پر واپس آ گئی۔ امریکی ویسٹ ٹیکساس انٹرمیڈیٹ خام تیل کی قیمت میں بھی دو ڈالر سے زائد کی کمی ہوئی اور یہ 58.97 ڈالر فی بیرل پر بند ہوئی۔

ماہرین کے مطابق یہ کمی اوپیک کی تازہ رپورٹ کے بعد سامنے آئی۔ اوپیک نے پیش گوئی کی ہے کہ 2026 تک عالمی سطح پر تیل کی رسد اور طلب میں توازن قائم ہو جائے گا۔ رپورٹ میں بتایا گیا کہ اوپیک پلس ممالک کی بڑھتی ہوئی پیداوار اس توازن کی اہم وجہ ہے۔ اس پیش گوئی نے سابقہ تخمینوں کو بدل کر سرمایہ کاروں میں فروخت کا رجحان پیدا کیا۔

دوسری جانب انٹرنیشنل انرجی ایجنسی نے اپنی رپورٹ میں کہا ہے کہ عالمی سطح پر تیل اور گیس کی طلب 2050 تک بڑھ سکتی ہے۔ اس سے قبل ان کی پیش گوئی یہ تھی کہ موجودہ دہائی میں تیل کی طلب اپنی بلند ترین سطح تک پہنچ جائے گی۔

تیل برآمد کرنے والے بڑے ممالک نے بھی اشارہ دیا ہے کہ وہ مارکیٹ میں استحکام کے لیے عارضی طور پر پیداوار یا برآمدات میں کمی کر سکتے ہیں تاکہ رسد و طلب کے دباؤ کو متوازن کیا جا سکے۔

پاکستان میں عالمی منڈی میں کمی کے باوجود پیٹرولیم مصنوعات کی قیمتوں میں فی الحال کمی کا امکان نہیں ہے، جس کی وجہ ملک میں موجود مقامی ٹیکس اور دیگر عوامل ہیں۔