سونے کی قیمت میں بڑی کمی؛ فی تولہ کتنے کا ہوگیا؟
WebDesk
02 دسمبر, 2025 14:35
Gold prices in Pakistan Today - December 2, 2025
ملک میں آج سونے کی فی تولہ قیمت میں 2700 روپے کمی ریکارڈ کی گئی ہے۔
ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے چوتھے روز سونے کی قیمت میں زبردست کمی ریکارڈ کی گئی ہے۔
آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2700 روپے کمی کے بعد 4 لاکھ 44 ہزار 162 روپے ہوگئی ہے جبکہ 10 گرام سونے کی قیمت 2315 روپے کمی کے بعد 3 لاکھ 80 ہزار 797 روپے ہوگئی ہے۔
اس کے علاوہ مقامی بازار میں چاندی کی قیمتوں میں اضافے دیکھا جا رہا ہے۔ آج ایک تولہ چاندی 41 روپے اضافے سے 6 ہزار 4 روپے جبکہ 10 گرام چاندی 35 روپے اضافے سے 5 ہزار 147 روپے ہوگئی۔
دوسری جانب بین الاقوامی سطح پر سونے کی قیمت میں کمی دیکھی گئی۔ آج عالمی بازار میں فی اونس سونا 27 ڈالر کمی سے 4 ہزار 218 ڈالر کی سطح پر آگیا۔
Catch all the کاروبار News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
