اداکارہ حمیرا اصغر کیس؛ اہم معلومات سامنے آگئیں
WebDesk
16 جولائی, 2025 10:32
Major breakthrough in actress Humaira Asghar case; significant revelation uncovered
معروف اداکارہ حمیرا اصغر کی موت کے معاملے میں اہم پیش رفت ہوئی ہے۔
پولیس نے مرحومہ کے تینوں موبائل فونز کا ڈیٹا حاصل کرلیا ہے جس سے معلوم ہوا ہے کہ انتقال سے قبل اداکارہ نے 14 افراد سے رابطہ کیا تھا، جن میں شوبز انڈسٹری سے تعلق رکھنے والا ایک معروف ڈائریکٹر بھی شامل ہے۔
پولیس کے مطابق حمیرا اصغر کے موبائل فونز میں مجموعی طور پر 2215 نمبرز محفوظ تھے، جب کہ ان کے زیراستعمال ٹیبلٹ خراب نکلا جسے تاحال کھولا نہیں جاسکا۔
تفتیش کے دوران یہ بھی انکشاف ہوا ہے کہ اداکارہ دو شناختی کارڈز استعمال کرتی تھیں۔ ان کے اصل شناختی کارڈ پر تاریخِ پیدائش 10 اکتوبر 1983 درج ہے، جبکہ دوسرا، مبینہ طور پر ٹیمپرڈ شناختی کارڈ شوبز فیلڈ میں استعمال کیا جاتا تھا، جس پر ان کی تاریخِ پیدائش 10 اکتوبر 1997 درج ہے۔
اس کے علاوہ پولیس کو حمیرا اصغر کا بینک کارڈ بھی ملا ہے، اور ان کی مالی حیثیت جانچنے کے لیے بینک حکام سے رابطہ کیا گیا ہے، تاہم اب تک بینک کی جانب سے کوئی تفصیلات فراہم نہیں کی گئیں۔
تفتیشی ٹیم اس معاملے میں مختلف زاویوں سے تحقیقات کر رہی ہے تاکہ یہ معلوم کیا جا سکے کہ اداکارہ کی موت طبعی تھی یا اس کے پیچھے کوئی اور پہلو پوشیدہ ہے۔
Catch all the انٹرٹینمنٹ News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
انٹرٹینمنٹ
فیروز خان کو شوبز اور دین کا موازنہ کرنا مہنگا پڑگیا؛ اداکار شدید تنقید کی زد میں آگئے
29-نومبر،2025
پاکستان
شہریوں کے موبائل فون اب سیف سٹی کی آنکھ بن سکیں گے، پنجاب میں نئی ٹیکنالوجی کی شمولیت
29-نومبر،2025
