زرعی شعبے کیلئے 56.60 ارب روپے کے پیکج کی منظوری

اسلام آباد : ای سی سی نے زرعی شعبے کیلئے 56.60 ارب روپے کے پیکج کی منظوری دیدی۔

مشیر خزانہ حفیظ شیخ کی زیر صدارت اقتصادی رابطہ کمیٹی کے ہونے والے اجلاس میں ای سی سی نے زرعی شعبے کیلئے 56.60 ارب روپے کے پیکج کی منظوری دیدی ہے۔ وزارت خزانہ کا کہنا ہے کہ کسانوں کو کھاد کی خریداری پر 37 ارب روپے کی سبسڈی دی جائے گی۔

یہ بھی پڑھیں : کورونا وائرس پر معاشی پیکج ڈرامہ بازی ہے : بلاول بھٹو

ای سی سی نے موبائل ڈیوائس مینوفیکچرنگ پالیسی، آزاد کشمیر کو پاسکو سے اضافی گندم کی فراہمی، ڈیفنس سروسز سمیت مختلف اداروں کیلئے سپلیمنٹری گرانٹس کی منظوری بھی دیدی ہے۔

ایل این جی کے سیل پرائس، پیٹرولیم لیوی کی شرح سے متعلق سمریز مؤخر کردی گئیں، جبکہ کنٹرول لائن پر مقیم آبادی کے لیے ریلیف پیکج کی بھی منظوری دی گئی۔