صارفین کیلئے خوشخبری؛ واٹس ایپ کا منفرد فیچر متعارف کروانے کا اعلان
WebDesk
23 اگست, 2025 10:40
A change in WhatsApp that will completely transform it
دنیا کی مقبول ترین میسجنگ ایپلیکیشن واٹس ایپ نے صارفین کی سہولت کے لیے ایک نیا اور منفرد فیچر متعارف کروانے کی تیاری کر لی ہے۔
معروف ویب سائٹ ویب بیٹا انفو کی رپورٹ کے مطابق واٹس ایپ اینڈرائیڈ صارفین کے لیے ایک ایسے فیچر پر کام کر رہا ہے جو مس کالز کے بعد فوری آڈیو پیغام بھیجنے کی سہولت فراہم کرے گا۔ یہ فیچر واٹس ایپ کے بیٹا ورژن میں کچھ محدود صارفین کو دستیاب ہے۔
نئے فیچر کے تحت اگر آپ کسی شخص کو واٹس ایپ پر کال کرتے ہیں اور وہ کال ریسیو نہیں کر پاتا، تو کال کے اختتام پر اسکرین پر دو آپشنز کے ساتھ ایک نیا شارٹ کٹ نمودار ہوگا: "کال اگین”، "کینسل” اور ایک ریکارڈ آڈیو میسج کا بٹن۔ اس بٹن کے ذریعے صارفین فوری طور پر آڈیو پیغام ریکارڈ کرکے اسی وقت متعلقہ شخص کو بھیج سکیں گے۔ یہ شارٹ کٹ کال کے بعد اس شخص کے ساتھ جاری چیٹ ونڈو میں بھی نظر آئے گا، جس سے رابطے کا تسلسل برقرار رہے گا۔
اگرچہ یہ فیچر فی الحال آزمائشی مرحلے میں ہے اور صرف بیٹا ورژن استعمال کرنے والے چند صارفین کے لیے دستیاب ہے، تاہم کمپنی کی جانب سے اس کے باضابطہ اجراء کی تاریخ تاحال سامنے نہیں آئی۔
Catch all the سائنس و ٹیکنالوجی News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
