اگر آپ بھی یہ ’ایپس‘ استعمال کررہے ہیں تو فوراً ڈیلیٹ کردیں!! ورنہ۔۔۔
WebDesk
25 اگست, 2025 12:21
If you are using these ‘apps,’ delete them immediately! Otherwise...
پاکستان ٹیلی کمیونیکیشن اتھارٹی (پی ٹی اے) نے نیشنل سائبر کرائم انویسٹی گیشن ایجنسی (این سی سی آئی اے) کی سفارش پر ملک بھر میں 46 جوا اور فاریکس سے متعلق ایپلی کیشنز پر پابندی عائد کر دی ہے۔
ترجمان این سی سی آئی اے کے مطابق یہ ایپس عوام سے اربوں روپے غیر قانونی طریقے سے بٹور رہی تھیں، جن میں غیر ریگولیٹڈ فاریکس ٹریڈنگ ایپس کے ساتھ ساتھ ایسی ایپس بھی شامل تھیں جو صارفین کا ذاتی ڈیٹا اور موبائل نمبرز کی تفصیلات حاصل کر رہی تھیں۔
ترجمان نے بتایا کہ ان ایپس کے ذریعے شہریوں کا پرسنل ڈیٹا اور سم سے متعلق معلومات غیر قانونی طور پر اکٹھی کی جا رہی تھیں، جو کہ سائبر سیکیورٹی کے لیے سنگین خطرہ ہے۔ حکام کے مطابق ان ایپس نے جوئے اور فوری طور پر امیر بننے کے لالچ میں نوجوانوں کو گمراہ کیا، جس کے باعث متعدد صارفین مالی اور نفسیاتی مسائل کا شکار ہوئے۔
این سی سی آئی اے کی جانب سے ان ایپس کی نشاندہی پر پی ٹی اے کو کارروائی کے لیے باضابطہ خط لکھا گیا تھا، جس کے بعد فوری طور پر ان پر پابندی عائد کر دی گئی۔ حکام نے عوام سے اپیل کی ہے کہ وہ غیر مصدقہ اور غیر قانونی ایپس کے استعمال سے گریز کریں اور اپنی آن لائن سیکیورٹی کو یقینی بنائیں۔
Catch all the سائنس و ٹیکنالوجی News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
