ہفتہ، 29-نومبر،2025
ہفتہ 1447/06/08هـ (29-11-2025م)

آئی فون 17 سیریز کی سب سے خاص بات کیا ہوگی؟ صارفین کیلئے بڑی خوشخبری آگئی

27 اگست, 2025 16:03

ایپل کمپنی نے رواں سال ستمبر میں آئی فون 17 سیریز کی رونمائی کا اعلان کر دیا۔

ایپل کمپنی نے رواں سال ستمبر میں آئی فون 17 سیریز کی رونمائی کا اعلان کر دیا ہے، جس کا باضابطہ ایونٹ 9 ستمبر کو کیلیفورنیا میں واقع ایپل کے ہیڈ آفس، ایپل پارک میں منعقد ہوگا۔ اس حوالے سے ایپل کے سی ای او ٹم کک نے سوشل میڈیا پلیٹ فارم ایکس پر ایونٹ کی تاریخ کا اعلان کرتے ہوئے صارفین کو دعوت دی ہے۔

ایونٹ میں آئی فون 17 سیریز کے ساتھ ایپل واچ سیریز 11 اور ائیر پوڈز پرو 3 کی بھی رونمائی متوقع ہے۔ ماہرین کے مطابق اس سیریز کی خاص بات ’آئی فون 17 ایئر‘ ہے، جسے کمپنی کا اب تک کا سب سے پتلا اسمارٹ فون قرار دیا جا رہا ہے۔ یہ نیا ماڈل آئی فون 16 پلس کی جگہ لے گا اور اس میں ممکنہ طور پر 48 میگا پکسل کا واحد کیمرا دیا جائے گا۔

آئی فون 17 سیریز کے دیگر ماڈلز کے ڈیزائنز کو بھی مزید پرکشش بنایا گیا ہے، تاہم فیچرز کے لحاظ سے ان میں زیادہ بڑی تبدیلیاں متوقع نہیں۔ آئی فون 17 پرو میکس میں بڑی بیٹری فراہم کی جائے گی جبکہ اسٹینڈرڈ آئی فون 17 میں ریفریش ریٹ کو بہتر بنایا جائے گا تاکہ ڈسپلے زیادہ ہموار تجربہ فراہم کرے۔

دوسری جانب بلومبرگ نے رپورٹ کیا ہے کہ ایپل کمپنی 2026 میں اپنا پہلا فولڈ ایبل آئی فون متعارف کرانے کا ارادہ رکھتی ہے، جسے کمپنی کے اندرونی حلقوں میں ’وی 68‘ کے نام سے جانا جا رہا ہے۔ یہ ڈیوائس سام سنگ کے گلیکسی زی فولڈ سے مشابہت رکھتی ہے اور بک اسٹائل فولڈنگ ڈیزائن پر مبنی ہوگی، جسے کسی کتاب کی طرح کھولا یا بند کیا جا سکے گا۔

Catch all the سائنس و ٹیکنالوجی News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔