ہفتہ، 29-نومبر،2025
ہفتہ 1447/06/08هـ (29-11-2025م)

والدین کی بڑی مشکل حل؛ چیٹ جی پی ٹی میں زبردست فیچر شامل

03 ستمبر, 2025 14:28

امریکی کمپنی اوپن اے آئی نے اپنے مشہور چیٹ بوٹ چیٹ جی پی ٹی میں والدین کے لیے ایک نیا فیچر متعارف کروانے کا اعلان کیا ہے، جو بچوں کی آن لائن حفاظت میں مددگار ثابت ہوگا۔

قطری نشریاتی ادارے الجزیرہ کی رپورٹ کے مطابق اس نئے پیرنٹل کنٹرولز فیچر کے ذریعے والدین اپنے بچوں کے چیٹ جی پی ٹی اکاؤنٹس کو کنٹرول کر سکیں گے اور ضروری حفاظتی اقدامات اٹھا سکیں گے۔

اس فیچر کی مدد سے والدین بچوں کے اکاؤنٹس کو اپنے ساتھ جوڑ سکیں گے، چیٹ ہسٹری اور میموری جیسی خصوصیات کو غیر فعال کر سکیں گے، اور یہ کنٹرول کر سکیں گے کہ چیٹ بوٹ سوالات کا جواب کیسے دیتا ہے۔

اس کے علاوہ والدین کو اس وقت اطلاعات موصول ہوں گی جب ان کے نوعمر بچوں میں ذہنی دباؤ یا تکلیف کے آثار نظر آئیں۔ اوپن اے آئی کا کہنا ہے کہ یہ اقدامات نوجوانوں کی ذہنی صحت کے تحفظ اور والدین و بچوں کے درمیان اعتماد قائم رکھنے کے لیے کیے جا رہے ہیں۔

کمپنی نے بتایا کہ یہ فیچر اگلے مہینے متعارف کرایا جائے گا اور آئندہ 120 دنوں میں اس کی مزید بہتری کے لیے ماہرین کی رہنمائی حاصل کی جائے گی۔ اوپن اے آئی نے زور دیا ہے کہ یہ محض آغاز ہے اور وہ چیٹ جی پی ٹی کو ہر ممکن حد تک مددگار بنانے کے لیے مسلسل کام کر رہی ہے۔

Catch all the سائنس و ٹیکنالوجی News, Breaking News Event and Trending News Updates on GTV News


Join Our Whatsapp Channel GTV Whatsapp Official Channel to get the Daily News Update & Follow us on Google News.

اوپر تک سکرول کریں۔