موبائل فونز سے متعلق بڑی خبر آگئی
WebDesk
06 ستمبر, 2025 12:25
Great news arrives for mobile phone enthusiasts in Pakistan
پاکستان میں موبائل فونز کی مقامی پیداوار میں سال 2025 کے پہلے سات ماہ کے دوران نمایاں اضافہ دیکھنے میں آیا ہے۔
ٹاپ لائن ریسرچ کی رپورٹ کے مطابق جنوری سے جولائی تک ملک میں 18.95 ملین موبائل فونز تیار کیے گئے، جو گزشتہ سال کی اسی مدت میں 17.83 ملین تھے۔ خاص طور پر جولائی کے مہینے میں 3.59 ملین فونز کی پیداوار اس صنعت کی ترقی اور ملکی طلب میں اضافے کی واضح علامت ہے۔
دوسری جانب، درآمد شدہ موبائل فونز کی تعداد رواں سال کے ابتدائی سات ماہ میں 1.03 ملین رہی جو کہ گزشتہ سال کی نسبت تقریباً مستحکم رہی۔ ماہرین کا کہنا ہے کہ مقامی پیداوار میں اضافہ حکومت کی سازگار پالیسیوں، سرمایہ کاری میں بڑھتے ہوئے اعتماد اور اسمبلنگ پلانٹس کی تعداد میں اضافے کا نتیجہ ہے۔ اس سے نہ صرف روزگار کے مواقع پیدا ہو رہے ہیں بلکہ درآمدی بل میں کمی آ کر ملکی معیشت پر بھی مثبت اثرات مرتب ہو رہے ہیں۔
تجزیہ کاروں کا کہنا ہے کہ اگر یہ رجحان برقرار رہا تو پاکستان موبائل فون مینوفیکچرنگ کے حوالے سے خطے کے اہم ممالک میں شامل ہو سکتا ہے۔ انہوں نے حکومت سے درخواست کی ہے کہ ٹیکنالوجی کی منتقلی اور مقامی انجینئرنگ صلاحیتوں کو فروغ دینے کے لیے مزید اقدامات کیے جائیں تاکہ یہ صنعت عالمی معیار کے مطابق ترقی کر سکے۔
Catch all the سائنس و ٹیکنالوجی News, Breaking News Event and Trending News Updates on GTV News
Join Our Whatsapp Channel GTV Whatsapp Official Channel to get the Daily News Update & Follow us on Google News.
خاص خبریں
