خبردار!!! گوگل پر یہ چیزیں کبھی سرچ مت کریں، ورنہ بڑی مشکل میں پھنس جائیں گے

انٹرنیٹ کی دنیا میں گوگل سب سے بڑا سرچ انجن ہے جو معلومات تک رسائی کا بہترین ذریعہ سمجھا جاتا ہے، لیکن بعض اوقات صارفین بغیر سوچے سمجھے ایسی چیزیں سرچ کر لیتے ہیں جو ان کے لیے نقصان دہ ثابت ہو سکتی ہیں۔

غیر ملکی خبررساں ادارے کی ایک تحقیق کے مطابق گوگل پر کچھ مخصوص موضوعات سرچ کرنے سے گریز کرنا چاہیے، کیونکہ یہ نہ صرف غیر ضروری پریشانی کا باعث بنتے ہیں بلکہ بعض اوقات قانونی یا ذاتی مسائل بھی پیدا کر سکتے ہیں۔

تحقیق میں بتایا گیا ہے کہ بیماری کی علامات گوگل پر سرچ کرنے کی بجائے براہ راست ڈاکٹر سے رجوع کرنا بہتر ہے کیونکہ آن لائن دستیاب بے تحاشا معلومات صرف الجھن میں اضافہ کرتی ہیں اور غلط تشخیص کا باعث بن سکتی ہیں۔ اسی طرح بم بنانے کی ترکیب جیسی غیر قانونی معلومات کی تلاش کرنے سے گریز کرنا چاہیے کیونکہ سیکیورٹی ادارے ایسے سرچز پر نظر رکھتے ہیں اور اس سے آپ مسائل میں پھنس سکتے ہیں۔

کینسر جیسی سنگین بیماریوں کی علامات گوگل پر سرچ کرنے سے بھی پرہیز کرنا چاہیے، کیونکہ گوگل کی معلومات اکثر غیر ضروری خوف و ہراس پیدا کرتی ہیں جو عام بیماریوں سے ملتی جلتی علامات کو موذی امراض سے جوڑ دیتی ہیں۔

اسی طرح خطرناک جانوروں کے بارے میں گوگل پر تلاش کرنے سے بھی پرہیز کرنا چاہیے کیونکہ اس سے خوف بڑھتا ہے اور روزمرہ کے معمولات متاثر ہو سکتے ہیں۔ آخر میں، اپنے نام کی تلاش گوگل پر کرنا بھی مناسب نہیں کیونکہ اس سے آپ کی پرانی تصاویر اور ذاتی معلومات سامنے آ سکتی ہیں جو آپ کے لیے ناخوشگوار ثابت ہو سکتی ہیں۔

ماہرین کا کہنا ہے کہ آن لائن معلومات کا استعمال ہوشیاری اور سمجھداری سے کیا جائے تاکہ غیر ضروری خوف، قانونی پیچیدگیوں اور ذاتی مسائل سے بچا جا سکے۔ گوگل ایک مفید وسیلہ ہے مگر اس کے استعمال میں احتیاط ضروری ہے۔