2025 کے ابتدائی 6 ماہ میں سب سے زیادہ فروخت ہونے والا اسمارٹ فون کونسا ہے؟

اچھے سے اچھا موبائل خریدنا ہر ایک کی خواہش ہوتی ہے مگر خواہش توجب پوری ہو یا نہ ہو مگر ہم بیسٹ سیلنگ موبائل فون کون سا رہا ہم بتاتے ہیں۔

2025کے اولین 6 ماہ کے دوران دنیا بھر میں سب سے زیادہ فروخت ہونے والا اسمارٹ فون کسی اینڈرائیڈ ڈیوائس بنانے والی کمپنی کا نہیں بلکہ ایپل کا آئی فون 16 ہے۔

کاؤنٹر پوائنٹ ریسرچ کی رپورٹ کے مطابق اپریل سے جون 2025 کے دوران دنیا بھر میں ایپل کے آئی فون 16 کی فروخت زیادہ رہی۔

دوسرا نمبر آئی فون 16 پرو میکس کے حصے میں آیا جبکہ آئی فون 16 پرو تیسرے نمبر پر رہا۔

جنوبی کورین کمپنی سام سنگ کے گلیکسی اے 16 کے کے حصے میں چوتھا جبکہ گلیکسی اے 06 کے حصے میں 5 واں نمبر آیا۔

فروری 2025 میں متعارف کرائے جانے والا آئی فون 16 ای سب سے زیادہ فروخت ہونے والے فونز کی اس فہرست میں چھٹے نمبر پر رہا۔

جنوری سے مارچ 2025 کے دوران بھی دنیا بھر میں ایپل کے آئی فونز کا غلبہ رہا تھا۔

اس سہ ماہی میں بھی آئی فون 16 سب سے زیادہ فروخت ہونے والا فون رہا تھا اور اس طرح یہ 6 ماہ کے دوران سب سے زیادہ فروخت فون ثابت ہوا۔

دلچسپ بات یہ ہے کہ دنیا بھر میں مہنگائی کی شرح میں کافی عرصے سے اضافہ ہو رہا ہے اور لوگوں کی قوت خرید متاثر ہوئی ہے، مگر ایپل کے آئی فونز اب بھی سب سے زیادہ فروخت ہو رہے ہیں۔

2024میں دنیا بھر میں سب سے زیادہ فروخت ہونے والا فون آئی فون 15 تھا جس کا مارکیٹ شیئر مجموعی طور پر 3 فیصد رہا۔

دوسرے نمبر پر آئی فون 16 پرو میکس رہا جو ستمبر 2024 میں متعارف کرایا گیا تھا۔ آئی فون 15 پرومیکس کے حصے میں تیسرا نمبر آیا۔