صحت کے مسائل کے لیے اے آئی چیٹ بوٹس کا استعمال کس حد تک درست

لوگوں کا اے آئی چیٹ بوٹ سے اعتبار کم ہونے لگا۔ امریکی میڈیکل ایسوسی ایشن کی چیف میڈیکل انفارمیشن افسر ڈاکٹر مارگریٹ لوزواٹسکی کہتی ہیں چیٹ بوٹس کی صحت کے حوالے سے معلومات اکثر پرانی یا غلط ہو سکتی ہیں۔

اے آئی چیٹ بوٹس جیسے جیسے مقبول عام ہونے لگیں ویسے ویسے لوگ اسے اپنی صحت کی معلومات حاصل کرنے کے لیے اس کا استعمال کرنے لگے لیکن اب ماہرین صحت نے خبردار کیا ہے کہ اے آئی چیٹ بوٹس آپ کے ذاتی میڈیکل ریکارڈز تک رسائی نہیں رکھتے، اس لیے یہ کسی نئے مسئلے، موجودہ بیماری، یا ایمرجنسی کی ضرورت کے بارے میں قابل اعتماد مشورہ نہیں دے سکتے۔

ڈاکٹر لوزوواٹسکی کے مطابق فی الحال اے آئی کا سب سے بہتر استعمال معلومات حاصل کرنا ہے، تاکہ آپ اپنے ڈاکٹر سے بہتر سوالات پوچھ سکیں یا ایسے طبی اصطلاحات کو سمجھ سکیں جو آپ کے لیے نئی ہوں۔

تحقیق کے مطابق اے آئی چیٹ بوٹس اکثر اپنے تربیتی ڈیٹا پر انحصار کرتے ہیں، جو تازہ ترین میڈیکل رہنمائی نہیں کر سکتا، مثال کے طور پر سینٹرز فار ڈیزیز کنٹرول نے حال ہی میں ہر 6 ماہ اور اس سے بڑے افراد کے لیے اپ ڈیٹ شدہ فلو ویکسین کی اپ ڈیٹ سفارش کی، لیکن کچھ چیٹ بوٹس اس معلومات سے باخبر نہیں ہیں۔

ماہرین کے مطابق معروف چیٹ بوٹس وزن کم کرنے کے لیے مینو بھی فراہم سکتے ہیں، لیکن یہ غذائی اجزاء کا توازن صحیح طریقے سے نہیں کرتے، ایک 60 سالہ شخص نے  چیٹ جی پی ٹی کی ہدایت پر نمک کی جگہ سوڈیم برومائیڈ استعمال کیا، جس کے نتیجے میں برومائیڈ زہر پیدا ہوا اور اسے تین ہفتے کے لیے نفسیاتی اسپتال میں داخل کیا گیا۔