صارف کو کیسے معلوم ہوگا کہ اس کا موبائل فون ہیک ہوگیا ہے؟

سائبر کرائم کی دنیا میں کوئی بھی محفوظ نہیں اچھے سے اچھا آئی فون بھی ہیک ہوسکتاہے اعتبار کسی پر نہیں بس ہوشیار رہنے کی ضرورت ہے۔

ان طریقوں میں کسی نقصان دہ لنک کو کلک کرنا، جعلی ایپ اسٹور کرنا یا پھر کوئی جعلی سافٹ ویئر ڈاؤن لوڈ کرنا، عوامی مقامات پر فراہم کیے جانے والے جعلی وائی فائی نیٹ ورک کا استعمال شامل ہے۔

لیکن سوال یہ ہے کہ آپ کو کیسے پتا چلے گا آپ کا فون ہیک ہوچکا ہے یا نہیں؟

اس حوالے سے فوربز کی جانب سے شائع ایک رپورٹ میں کچھ ایسی ہی علامات کی نشاندہی کی گئی ہے۔

 اگر آپ کے فون کی بیٹری تیزی سے گررہی ہے تو یہ عام بات نہیں کیوں کہ یہ صورت حال اس بات کی علامت ہوسکتی ہے کہ آپ کا فون ہیک ہوچکا ہے،  اس صورت میں آپ کا فون زیادہ گرم بھی ہو سکتا ہے۔

ہیک ہونے کی صورت میں آپ کے موبائل فون میں نئی ایپس غیر متوقع طور پر ظاہر ہو سکتی ہیں یا پھر فون میں موجود ایپس کو لوڈ ہونے میں کافی وقت لگ سکتا ہے، یہ ایپس خود کھل یا خود ہی بند ہو سکتی ہیں لہٰذا اس مشکوک رویے کو نظر انداز نہ کریں۔

اگر آپ کا موبائل فون پیکج تیزی سے ختم ہونے لگے یا پھر فون پر کچھ ایسے نمبر کا استعمال نظر آنے لگے جنھیں آپ جانتے بھی نہ ہوں تو یہ فون ہیکنگ کی علامت ہوسکتی ہے۔

موبائل فونز ہیک ہونے کی صورت غیر متوقع نوٹیفکیشن یا پاپ اپ ظاہر ہونے لگتے ہیں یا پھر کیمرا یا مائیکرو فون سیٹنگز کی ازخود تبدیلی بھی ہیکنگ کی علامت تصور کی جاتی ہے۔

اگر آپ خود کو غیر متوقع طور پر اپنے ہی ایپل آئی ڈی، گوگل اکاؤنٹ سے یا دوسرے آن لائن اکاؤنٹس سے لاگ آؤٹ پائیں تو سمجھ جائیں  ٓپ کا فون ہیک ہوچکا ہے۔