وزیراعظم کی پاکستان کی کریڈٹ ریٹنگ میں بہتری پر اظہار اطمینان

اسلام آباد: وزیراعظم شہباز شریف نے پاکستان کی کریڈٹ ریٹنگ میں بہتری پر اظہار اطمینان کیا۔

جی ٹی وی نیوز کے مطابق وزیر اعظم نے کہا کہ کریڈٹ ریٹنگ سی سی سی پلس سے بی مائنس پر آنا معیشت کی بہتری ثابت کرتا ہے۔

انہوں نے کہا کہ کریڈٹ ریٹنگ میں بہتری سے بین الاقوامی کیپٹل مارکیٹ تک رسائی ملنے میں مدد ملے گی، کریڈٹ ریٹنگ میں بہتری سے بیرونی قرضوں کی ادائیگی کا دباؤ بھی کم ہوگا۔

وزیر اعظم کا مزید کہنا تھا کہ پاکستان کے میکرو اکنامک اشاریے بہتر ہو رہے ہیں، کریڈٹ ریٹنگ بہتر ہونے سے پاکستانی معیشت پر بیرونی سرمایہ کاروں کا اعتماد بہتر ہوگا۔

وزیر اعظم نے کہا کہ حکومت کی کامیاب معاشی پالیسیوں کا اعتراف مالیاتی ادارے اور ریٹنگز ایجنسیز بھی کر رہی ہیں۔