کراچی کا موسم آج کیسا رہے گا؟ محکمہ موسمیات نے بتادیا

کراچی :آج شہرِ قائد میں بارش کا کوئی امکان نہیں ہے۔

محکمہ موسمیات کے مطابق کراچی میں آج ہلکے بادلوں کے ساتھ دھوپ ہے، سمندری ہواؤں کی رفتار میں کمی جبکہ بارش کا کوئی امکان نہیں۔

محکمہ موسمیات نے بتایا کہ کراچی میں آئندہ 2 روز موسم گرم اور مرطوب رہے گا، زیادہ سے زیادہ درجہ حرارت 35 ڈگری سینٹی گریڈ رہنے کا امکان ہے۔

محکمہ موسمیات کا کہنا ہے کہ مرطوب موسم کے باعث گرمی کی شدت زیادہ محسوس کی جائے گی جبکہ شہر کا موجودہ درجہ حرارت 31 ڈگری سینٹی گریڈ ریکارڈ کیا گیا۔