سرکاری ملازمت کے خواہشمند افراد کیلئے بڑی خوشخبری

ایف بی آر میں سپاہیوں کی بھرتی کیلئے درخواستیں جمع کرانے کی تاریخ میں توسیع کردی گئی ہے۔

فیڈرل بورڈ آف ریونیو (ایف بی آر) کے محکمہ کسٹمز میں 1560 سپاہیوں کی بھرتی کے لیے درخواستیں جمع کرانے کی آخری تاریخ میں توسیع کر دی گئی ہے۔ ابتدائی طور پر مقررہ آخری تاریخ 15 جولائی تھی، تاہم ملک کے مختلف حصوں میں مون سون بارشوں اور سیلابی صورتحال کے پیش نظر یہ تاریخ بڑھا کر اب 31 جولائی کر دی گئی ہے۔

ایف بی آر کے مطابق محکمہ کسٹمز میں یہ بھرتیاں کنٹریکٹ کی بنیاد پر کی جائیں گی، اور ملک بھر سے اہل امیدوار نیشنل جاب پورٹل کے ذریعے آن لائن درخواست جمع کرا سکتے ہیں۔ تاریخ میں توسیع کا فیصلہ ان افراد کی سہولت کو مدنظر رکھتے ہوئے کیا گیا ہے جو خراب موسم کی وجہ سے پہلے درخواست جمع نہ کرا سکے تھے۔