پی ٹی آئی کے لگائے گئے زخموں سے نمٹنے کیلئے آئی ایم ایف سے مدد لی، احسن اقبال

کراچی: وفاقی وزیر منصوبہ بندی احسن اقبال نے کہا کہ پی ٹی آئی کے لگائے گئے زخموں سے نمٹنے کیلئے آئی ایم ایف سے مدد لی۔

کراچی پریس کلب میں وفاقی وزیر منصوبہ بندی احسن اقبال نے میڈیا سے گفتگو میں کہا کہ آئی ایم ایف پروگرام کسی ملک کی خواہش نہیں ہوتی۔

انہوں نے کہا کہ پاک امریکا تعلقات ماضی میں سرد مہری کا شکار ہوگئے تھے، آج پاک امریکا تعلقات مثبت انداز میں بہتر ہورہے ہیں۔ پاکستان کے مسلم ممالک سے بھی تعلقات اچھے ہورہے ہیں۔

وفاقی وزیر نے مزید کہا کہ آپریشن بنیان مرصوص میں بھارت کو عبرتناک شکست دی، بھارت کو معاشی میدان میں بھی شکست دیں گے۔

انکا مزید کہنا تھا کہ ہم سفارتی، دفاعی اور معاشی اڑان بھررہے ہیں، کراچی سے سکھر موٹر وے کا منصوبہ بجٹ میں رکھا گیا۔