پی ٹی آئی نے مشال یوسفزئی کو خواتین کی نشست پر سینیٹ کا ٹکٹ جاری کر دیا

پشاور: پاکستان تحریک انصاف (پی ٹی آئی) نے مشال یوسفزئی کو خواتین کی نشست پر سینیٹ کا ٹکٹ جاری کردیا۔

نوٹیفکیشن کے مطابق مشال یوسفزئی کو ٹکٹ بانی پی ٹی آئی کی ہدایت پر جاری کیا گیا۔

نوٹیفکیشن میں پارٹی کے دیگر امیدواروں کو آج شام تک دستبردار ہونے کی ہدایت کی گئی ہے۔

چیئرمین پی ٹی آئی بیرسٹر گوہر کی جانب سے جاری نوٹیفکیشن کے مطابق ساجدہ بیگم، مومنہ باسط، سمیرا شمس، ثمینہ خالد کو سینیٹ الیکشن سے دستبردار ہونے کی ہدایت کی گئی ہے۔

خیال رہے کہ خیبرپختونخوا میں خواتین کی نشست پر سینیٹ ضمنی انتخاب 31 جولائی کو ہوگا۔