مزدور طبقے کیلئے خوشخبری؛ کم از کم اجرت 40 ہزار روپے مقرر

سندھ حکومت نے صوبے بھر کے مزدوروں کے لیے کم از کم ماہانہ اُجرت 40 ہزار روپے مقرر کرتے ہوئے اس حوالے سے باقاعدہ نوٹیفکیشن بھی جاری کر دیا ہے۔

صوبائی وزیر محنت شاہد تھہیم کے مطابق نیم ہنر مند افراد کی تنخواہ 41 ہزار 380 روپے، ہنر مند افراد کی اُجرت 49 ہزار 628 روپے جبکہ اعلیٰ ہنر مندوں کے لیے ماہانہ اجرت 51 ہزار 745 روپے مقرر کی گئی ہے۔

جاری کردہ نوٹیفکیشن کے مطابق یہ اجرت یکم جولائی 2025 سے نافذ العمل ہوگی اور اس کا اطلاق تمام رجسٹرڈ اور غیر رجسٹرڈ صنعتی و تجارتی اداروں پر ہوگا۔ وزیر محنت کا کہنا تھا کہ مزدوروں کو فی گھنٹہ کم از کم اجرت 192 روپے ادا کرنا لازم ہوگا، تاکہ انہیں مہنگائی کے موجودہ دور میں باعزت زندگی گزارنے کا موقع مل سکے۔