پاکستان سے 100 ٹن کی پہلی امداد فلسطین بھجوانے کی تیاری مکمل

اسلام آباد: نیشنل ڈیزاسٹر منیجمنٹ (این ڈی ایم اے) نے 100 ٹن کی پہلی امدادی کھیپ فلسطین بھجوانے کی تیاری مکمل کر لی۔

نیشنل ڈیزاسٹر منیجمنٹ اتھارٹی کے مطابق پہلی امدادی پرواز آج شام اسلام آباد ایئرپورٹ سے روانہ ہوگی جبکہ نائب وزیراعظم اور چیئرمین این ڈی ایم اے تقریب کے مہمان خصوصی ہونگے۔

بیان کے مطابق 100 ٹن امدادی سامان خصوصی پرواز کے ذریعے عمان، اردن پہنچے گا، امدادی کھیپ غذائی اشیاء اور ادویات پر مشتمل ہے۔

این ڈی ایم اے خصوصی پروازوں کے ذریعے کل 200 ٹن امدادی سامان فلسطین بھجوائے گا، پاکستان کی جانب سے غزہ و فلسطین کیلئے 17 امدادی کھیپ ہے، جو آج روانہ کی جا رہی ہے۔

خیال رہے کہ قبل ازیں وزیراعظم کی ہدایت پر این ڈی ایم اے اب تک مجموعی طور پر 1 ہزار 715 ٹن امداد فلسطین بھجوا چکا ہے