سابق وزیراعظم آزادکشمیر سردار عبدالقیوم نیازی گرفتار

سابق وزیراعظم آزاد کشمیرسردار عبدالقیوم نیازی کو گرفتارکرلیا گیا ہے۔

تفصیلات کے مطابق پاکستان تحریک انصاف کے رہنما و سابق وزیراعظم آزاد کشمیرسردار عبدالقیوم نیازی ریلی میں شرکت کیلئے جارہے تھے، انہیں وجنڈی چونترہ کے مقام سے گرفتار کرلیا گیا۔

پی ٹی آئی قیادت نے سردار عبدالقیوم نیازی کی گرفتاری کی شدید الفاظ میں مذمت کی ہے۔

یاد رہے کہ سردارعبدالقیوم نیازی کے 9 مئی کیس میں وارنٹ گرفتاری جاری تھے۔

واضح رہے کہ سردار عبدالقیوم نیازی 4 اگست 2021 سے 14 اپریل 2022 تک آزاد کشمیر کے وزیراعظم رہے ہیں۔