کراچی: گلستان جوہر میں فائرنگ، 2 افراد جاں بحق،4زخمی

کراچی کے علاقے گلستان جوہر میں پہلوان گوٹھ کے قریب نامعلوم افراد کی جانب سے فائرنگ کی گئی جس میں 2 افراد جاں بحق،4 زخمی ہوگئے۔

جی ٹی وی نیوز کے مطابق نامعلوم افراد کی جانب سے فائرنگ کی گئی جس میں 2 افراد جاں بحق جبکہ 4 زخمی ہوگئے۔

ریسکیو حکام کے مطابق زخمیوں کو اسپتال منتقل کر دیا گیا جبکہ بعض افراد کی حالت نازک بتائی جا رہی ہے، پولیس نے جائے وقوعہ سے شواہد اکٹھے کرکے تحقیقات شروع کردی ہے۔

دوسری جانب وزیر داخلہ سندھ نے ایس ایس پی ایسٹ سے واقعے کی تفصیلات طلب کرلیں۔ انہوں نے کہا کہ واقعے میں ملوث ملزمان کو جلد گرفتار کیاجائے۔

ضیاء الحسن لنجار نے کہا کہ کرائم سین پر دستیاب شواہد کی مدد سے ملزمان تک رسائی کو یقینی بنایا جائے، تفتیش و تحقیق پر مشتمل رپورٹ سے آگاہ رکھا جائے۔