کراچی میں گزشتہ رات ہونے والی رم جھم سے موسم خوشگوار

شہرِ قائد میں گزشتہ رات ہونے والی رم جھم سے موسم خوشگوار ہوگیا ہے۔

 محکمہ موسمیات کے مطابق شہر میں آج بھی ابر آلود اور مرطوب موسم کیساتھ ہلکی بارش متوقع ہے جبکہ اس وقت بادلوں کے ڈیرے ہیں۔

محکمہ موسمیات نے بتایا کہ موجودہ درجہ حرارت 28 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 34 ڈگری سینٹی گریڈ تک رہنے کا امکان ہے۔

محکمہ موسمیات کا مزید کہنا ہے کہ جنوب مغرب سے 22 کلومیٹر فی گھنٹہ کی رفتار سے ہوائیں چل رہی ہیں۔