نادرا نے عوام کو خبردار کردیا

نیشنل ڈیٹابیس اینڈ رجسٹریشن اتھارٹی (نادرا) نے ایک بار پھر عوام کو جعلسازوں سے محتاط رہنے کی ہدایت جاری کی ہے۔

 نادرا نے اپنے آفیشل سوشل میڈیا پلیٹ فارم پر پیغام جاری کرتے ہوئے خبردار کیا ہے کہ شہری اپنی ذاتی معلومات صرف نادرا کی آفیشل ایپلیکیشن "پاک آئیڈینٹیٹی” پر ہی فراہم کریں، اور کسی بھی غیر مصدقہ ویب سائٹ یا موبائل ایپ پر ہرگز شیئر نہ کریں۔

نادرا نے واضح طور پر کہا ہے کہ ایسی تمام ویب سائٹس یا ایپلیکیشنز جو نادرا کے نام پر عوام سے ذاتی معلومات طلب کر رہی ہیں، وہ جعلی ہیں اور ان پر اعتماد کرنا شہریوں کے لیے خطرناک ثابت ہوسکتا ہے۔ اتھارٹی کا کہنا ہے کہ اپنی شناخت اور معلومات کے تحفظ کے لیے صرف سرکاری ذرائع کا استعمال کیا جائے۔

یاد رہے کہ نادرا نے گزشتہ روز "پاک آئی ڈی” ایپ کا نیا ورژن متعارف کرایا ہے، جس میں شہریوں کی سہولت کے لیے مزید خصوصیات اور خدمات شامل کی گئی ہیں۔