پاکستان کا امریکا کے بی ایل اے، مجید بریگیڈ کو دہشت گرد قرار دینے پر خیر مقدم

اسلام آباد: پاکستان نے امریکا کی جانب سے بی ایل اے، مجید بریگیڈ کو دہشت گرد تنظیم قرار دینے کا خیر مقدم کیا ہے۔

ترجمان دفتر خارجہ کے جاری کردہ بیان کے مطابق پاکستان بی ایل اے، مجید بریگیڈ کو 18جولائی 2024 سے دہشت گرد قرار دے چکا ہے۔

 ترجمان نے بتایا کہ جعفر ایکسپریس اور خضدار بس حملے میں بھی یہ دونوں ہی ملوث ہیں، دہشت گردی کے واقعات میں متعدد لوگوں کی جانیں ضائع ہوئیں۔

ترجمان نے مزید بتایا کہ بی ایل اے، مجید بریگیڈ دہشت گرد کارروائیوں میں ملوث ہیں، پاکستان نے بے شمار قربانیوں سے خطے، دنیا کا تحفظ ممکن بنایا۔

پاکستان اپنے شہروں کے تحفظ اور دہشت گردی کے خاتمے کیلئے پرعزم ہے، دہشت گردی مشترکہ چیلنج،عالمی برادری سے تعاون جاری رکھیں گے۔