جشنِ آزادی کا سب سے بڑا ایونٹ؛ کراچی میں آج رات کون کون سے راستے بند ہونگے؟ جانیے

کراچی: جشن آزادی اور معرکہ حق کے موقع پر نیشنل اسٹیڈیم میں میوزیکل نائٹ کے حوالے سے خصوصی ٹریفک پلان جاری کر دیا گیا۔

کراچی میں جشن آزادی اور معرکہ حق کی خوشی میں نیشنل اسٹیڈیم میں میوزیکل نائٹ کا انعقاد کیا جا رہا ہے، ٹریفک پولیس نے اس موقع پر خصوصی ٹریفک پلان اور پارکنگ کے انتظامات کی تفصیلات جاری کر دی ہیں۔

ٹریفک پولیس نے بتایا کہ وہ گاڑیاں جنہیں اسٹیکر جاری ہوئے ہیں، وہ نیشنل اسٹیڈیم کے گیٹ نمبر 1 اور 11 سے داخل ہوں گی۔

تقریب میں آنے والے شہری ایکسپو سینٹر اور چائنا گراونڈ میں پارکنگ کر سکیں گے جبکہ انہیں شٹل سروس کے ذریعے نیشنل اسٹیڈیم پہنچایا جائے گا۔