خیبرپختونخوا حکومت کا امدادی سرگرمیوں میں مصروف ہیلی کاپٹر کریش کرگیا، 5 افراد شہید

خیبرپختونخوا حکومت کا امدادی سرگرمیوں میں مصروف ہیلی کاپٹر حادثے کا شکار ہو گیا۔

تفصیلات کے مطابق خیبرپختونخوا حکومت کا سیلاب سے متاثرہ علاقوں میں امدادی سرگرمیوں میں مصروف ہیلی کاپٹر مہمند پنڈیالی سوکئی پہاڑی پر حادثے کا شکار ہو گیا۔

اعلیٰ حکام کے مطابق ہیلی کاپٹر میں سوار 5 افراد شہید ہوگئے۔

واضح رہے کہ وزیراعلیٰ علی امین گنڈاپور نے مختلف اضلاع میں بادل پھٹنے سے پیدا ہونے والی سیلابی صورتحال سے نمٹنے کے لیے ہیلی کاپٹر فراہم کرنے کی ہدایت کی تھی۔

 مزید پڑھیں؛ خیبرپختونخوا میں بادل پھٹنے سےتباہی، بونیر میں 78 افراد جاں بحق، مجموعی اموات 118 ہوگئیں