23 اگست کو تعطیل کا اعلان

قصور کی ضلعی انتظامیہ نے صوفی شاعر حضرت بابا بلھے شاہؒ کے 268ویں سالانہ عرس کے موقع پر 23 اگست بروز ہفتہ کو مقامی تعطیل کا اعلان کردیا ہے۔

جاری کردہ نوٹیفکیشن کے مطابق ہفتے کے دن تمام سرکاری دفاتر، تعلیمی ادارے اور دیگر عوامی و سرکاری ادارے بند رہیں گے، جس سے ضلع کے مکین دو روزہ ویک اینڈ سے لطف اندوز ہوں گے۔

حضرت بابا بلھے شاہؒ کے تین روزہ عرس کی تقریبات 22 اگست سے 24 اگست 2025 تک قصور میں جاری رہیں گی۔ اس موقع پر ملک بھر سے زائرین اور عقیدت مندوں کی بڑی تعداد قصور پہنچے گی، جہاں محفلِ سماع، صوفی کلام کی محافل اور روایتی رسومات ادا کی جائیں گی۔

یہ سالانہ عرس پنجاب کے اہم ثقافتی اور روحانی میلوں میں شمار ہوتا ہے جو ہر سال ہزاروں افراد کو اپنی جانب متوجہ کرتا ہے۔