سونے کی قیمت میں ہزاروں روپے کی بڑی کمی؛ فی تولہ کتنے کا ہوگیا؟

ملک میں آج سونے کی فی تولہ قیمت میں 2300 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے آخری روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 2300 روپے کمی کے بعد 4 لاکھ 42 ہزار 162 روپے ہوگئی ہے جبکہ 10 گرام سونے کی قیمت 1972 روپے کمی کے بعد 3 لاکھ 79 ہزار 82 روپے ہوگئی ہے۔

اس کے علاوہ فی تولہ چاندی کی قیمت بغیر کسی تبدیلی کے6072 روپے رہی۔

دوسری جانب عالمی مارکیٹ میں23ڈالرسستاہوکر فی اونس سونا 4198ڈالرز پر آگیا۔