ٹرمپ کے دوسرے دور میں پاک–امریکا تعلقات میں نمایاں بہتری

امریکی صدر ڈونلڈ ٹرمپ کے دوسرے دور میں پاکستان نے سب سے مؤثر اور کامیاب سفارتی تعلقات قائم کیے ہیں۔

اس دوران صدر ٹرمپ کی وزیر اعظم شہباز شریف اور فیلڈ مارشل عاصم منیر کے ساتھ مضبوط ذاتی کیمسٹری بنی، جنہیں انہوں نے کئی بار وائٹ ہاؤس مدعو کیا۔

کابل دھماکے کے ماسٹر مائنڈ کی گرفتاری میں مدد سمیت پاکستان نے بروقت تعاون کے ذریعے امریکی صدر کا اعتماد حاصل کیا۔ پاکستان نے ٹرمپ کے قریبی لابیسٹ، کرپٹو اور منرلز جیسے شعبوں پر سرمایہ کاری کر کے تعلقات کو فائدہ پہنچایا۔

اہم کامیابی کرٹیکل منرلز کے شعبے میں سامنے آئی، جس میں ایف ڈبلیو او اور ایک امریکی کمپنی کے درمیان 500 ملین ڈالر کا معاہدہ شامل ہے۔ کرپٹو تعاون میں بھی اضافہ ہوا اور پاکستان کرپٹو کونسل نے ورلڈ لبرٹی فنانشل کے ساتھ شراکت بڑھائی۔

ٹرمپ کا بھارت کے ساتھ رویہ سخت ہے، جس کی وجہ ٹیرف، روسی تیل اور حالیہ پاک بھارت کشیدگی ہے۔ مئی کی جنگ بندی کا کریڈٹ پاکستان نے کھل کر ٹرمپ کو دیا جبکہ بھارت نے اسے مسترد کیا۔

گرمجوشی کی وجہ سے امریکی بیانیہ پاکستان کے لیے نرم ہوا ہے۔ پاکستان کی خواہش ہے کہ امریکہ کے ساتھ تعلقات کسی تیسرے ملک کے تناظر میں نہ دیکھے جائیں۔