بغیر کسی سود کے ہونڈا سی ڈی 70، 125 اور سی جی 150 حاصل کریں؛ مگر کیسے؟ مکمل طریقہ جانیں

ہونڈا کمپنی نے نجی بینک کے ساتھ اشتراک کرتے ہوئے ایک نئی اقساطی اسکیم متعارف کروائی ہے۔ اس اسکیم کے تحت صارفین بغیر سود کے آسان اقساط میں ہونڈا کی مقبول موٹر سائیکلز حاصل کر سکتے ہیں۔

یہ اسکیم محدود مدت کے لیے ہے اور صرف بینک الفلاح کے کریڈٹ کارڈز کے ذریعے دستیاب ہے۔ ہونڈا اور بینک الفلاح کا کہنا ہے کہ اس پیشکش کا مقصد صارفین پر مالی بوجھ کم کرنا اور مقامی آٹو مارکیٹ میں سرگرمی بڑھانا ہے۔

اس اسکیم میں ہونڈا کے تین ماڈلز شامل ہیں: سی ڈی 70، سی جی 125 اور سی جی 150۔ بینک حکام کے مطابق صارفین کو پروسیسنگ فیس اور فیڈرل ایکسائز ڈیوٹی ادا کرنی ہوگی، تاہم سود نہیں لیا جائے گا۔ اسکیم اسٹاک کی دستیابی کے مطابق ہوگی۔

اقساط کی تفصیل کے مطابق ہونڈا CD 70، جس کی قیمت 159,900 روپے ہے، اب 26,650 روپے ماہانہ اقساط پر حاصل کی جا سکتی ہے۔ اسی طرح CG 125 اور CG 150 بھی بغیر سود اسکیم کے تحت دستیاب ہیں، جس سے صارفین کو ایک ساتھ بڑی رقم ادا کرنے کی ضرورت نہیں۔

صارفین موٹر سائیکل بک کروانے اور اقساطی اسکیم کے بارے میں مزید معلومات کے لیے بینک الفلاح کی ہیلپ لائن یا آفیشل ویب سائٹ سے رابطہ کر سکتے ہیں۔