پاکستان کی حکمت عملی کے بعد بھارت کو عالمی محاذ پر رسوائی کا سامنا

پاکستان کے ساتھ حالیہ تنازعات اور سفارتی محاذ پر کامیابی کے بعد بھارت کو عالمی سطح پر پسپائی اور رسوائی کا سامنا کرنا پڑ رہا ہے۔

ماہرین کے مطابق بھارتی وزیراعظم نریندر مودی کی نام نہاد ذاتی دوستی اور امریکی صدر ڈونلڈ ٹرمپ کی حمایت کے باوجود بھارت عالمی فورمز میں اپنا اثر و رسوخ کھو رہا ہے۔

ڈیجیٹل اتحاد "پیکس سیلیکا” سے بھارت کی بے دخلی اور امریکہ کی جانب سے بھارت کو اہم اتحاد سے نکالنے کے فیصلے نے بھارتی حکومت کی ناکامیوں کو مزید اجاگر کیا ہے۔ بھارتی اپوزیشن نے اس موقع پر مودی حکومت پر شدید تنقید کرتے ہوئے سوالات اٹھائے ہیں کہ بھارتی قیادت عالمی محاذ پر ناکامیوں کی ذمہ داری کیسے لے گی۔

سابق بھارتی وزیر جے رام رمیش نے کہا ہے کہ ایک اہم عالمی اتحاد میں بھارت کی موجودگی ختم ہونا حیران کن نہیں، اور یہ بھارتی قیادت کی ناکامیوں کی عکاسی ہے۔

ماہرین کا کہنا ہے کہ پاکستان کی بہترین حکمت عملی نے بھارت کی عالمی ساکھ اور حیثیت کو بتدریج متاثر کیا ہے، اور ہر نیا اقدام بھارتی حکومت کے لیے نئے تنازعات اور رسوائی کا سبب بن رہا ہے۔

پاکستان کی حالیہ کامیاب سفارتی پالیسیوں کے نتیجے میں بھارت ہر محاذ پر مشکلات اور ناکامیوں کا سامنا کر رہا ہے، جس سے اس کی عالمی سطح پر حیثیت کمزور ہو گئی ہے۔