روس یوکرین جنگ بندی معاہدے کے قریب ہیں، امریکی صدر ٹرمپ کا دعویٰ

واشنگٹن: امریکی صدر ڈونلڈ ٹرمپ نے کہا ہے کہ روس اور یوکرین کے درمیان جنگ بندی کے معاہدے کے امکانات اب بہت قریب ہیں۔

وائٹ ہاؤس میں میڈیا سے گفتگو کرتے ہوئے صدر ٹرمپ نے بتایا کہ یوکرینی اور یورپی قیادت کے ساتھ امن کے مذاکرات جاری ہیں اور ان کے پیش کردہ امن منصوبے کو یورپی رہنماؤں کی مکمل حمایت حاصل ہے۔

صدر نے کہا کہ حال ہی میں برلن میں ہونے والے مذاکرات کے بعد نمایاں پیش رفت ہوئی ہے اور روسی صدر ولادیمیر پیوٹن کے ساتھ بھی جنگ بندی پر بات چیت ہوئی۔

انہوں نے بتایا کہ یورپی رہنماؤں نے اس بات پر اتفاق کیا ہے کہ مغرب کی جانب سے یوکرین کو دی جانے والی سکیورٹی ضمانت میں انہیں بھی شامل کیا جائے۔