ڈیزل سستا کرنے کے بعد حکومت نے عوام کو ایک اور بڑی خوشخبری سنا دی

حکومت نے ڈیزل کی قیمت میں نمایاں کمی کے بعد مٹی کے تیل کی قیمت میں بھی کمی کر دی ہے۔

پیٹرولیم ڈویژن کی جانب سے جاری اعلامیے کے مطابق ہائی اسپیڈ ڈیزل کی قیمت میں 14 روپے کمی کی گئی ہے، جبکہ مٹی کے تیل کی قیمت 12 روپے 32 پیسے فی لیٹر کم کی گئی ہے۔ ہائی اسپیڈ ڈیزل کی نئی قیمت 265 روپے 65 پیسے فی لیٹر مقرر کی گئی ہے، جبکہ مٹی کے تیل کی نئی قیمت 180 روپے 54 پیسے فی لیٹر ہو گئی ہے۔

پیٹرول کی قیمت میں کوئی تبدیلی نہیں کی گئی اور یہ 263 روپے 45 پیسے فی لیٹر برقرار رہے گی۔ نئی قیمتیں فوری طور پر ملک بھر میں نافذ العمل ہو گئی ہیں اور آئندہ پندرہ روز تک یہی قیمتیں برقرار رہیں گی۔