سونے کی قیمت میں یکدم بڑی کمی؛ فی تولہ کتنے کا ہو گیا؟

ملک میں آج سونے کی فی تولہ قیمت میں 4000 روپے کمی ریکارڈ کی گئی ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے دوسرے روز سونے کی قیمت میں زبردست کمی ریکارڈ کی گئی ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 4000 روپے کمی کے بعد 4 لاکھ 50 ہزار 862 روپے ہوگئی ہے جبکہ 10 گرام سونے کی قیمت 3429 روپے کمی کے بعد 3 لاکھ 86 ہزار 541 روپے ہوگئی ہے۔

دوسری جانب عالمی مارکیٹ میں 40 ڈالرسستا ہوکر فی اونس سونا 4285ڈالر پر آگیا۔