پاکستان پیپلزپارٹی کے مرکزی رہنما انتقال کرگئے

پاکستان پیپلزپارٹی کے مرکزی رہنما بسم اللہ خان کاکڑ انتقال کرگئے۔

پاکستان پیپلزپارٹی کے معروف رہنما بسم اللہ خان کاکڑ کا انتقال ہو گیا ہے۔ وہ کراچی کے ایک نجی اسپتال میں زیر علاج تھے جہاں دوران علاج ان کا انتقال ہوا۔

بسم اللہ خان کاکڑ بلوچستان میں پیپلز پارٹی کے سرگرم رہنما تھے اور صوبائی ڈپٹی جنرل سیکرٹری کے عہدے پر فائز رہے۔ انہوں نے بلوچستان میں پارٹی کی سرگرمیوں کو بڑھانے اور مضبوط کرنے میں اہم کردار ادا کیا۔

وہ قلعہ عبداللہ سے صوبائی اسمبلی کے رکن بھی رہ چکے ہیں۔ سیاسی حلقوں میں بسم اللہ خان کاکڑ کی خدمات کو قدر کی نگاہ سے دیکھا جاتا تھا اور ان کے انتقال پر سیاسی رہنماؤں اور ساتھی کارکنوں نے افسوس کا اظہار کیا ہے۔