اچانک بڑا اضافہ؛ سونے کی قیمت تاریخ کی بلند ترین سطح پر پہنچ گئی

پاکستان میں سونے کی قیمت میں آج ایک بار پھر اضافہ ریکارڈ کیا گیا ہے۔

آل پاکستان صرافہ ایسوسی ایشن کے مطابق مقامی مارکیٹ میں 24 کیرٹ فی تولہ سونے کی قیمت 8,500 روپے بڑھ گئی۔ اب یہ پہلی بار 470,862 روپے تک پہنچ گئی ہے۔

اسی طرح 24 کیرٹ کے دس گرام سونے کی قیمت بھی تاریخ میں پہلی بار 4 لاکھ روپے سے تجاوز کر گئی۔ دس گرام سونے کے بھاؤ میں 7,288 روپے کا اضافہ ہوا اور یہ 403,688 روپے ہو گیا ہے۔

چاندی کی قیمت میں کوئی تبدیلی نہیں ہوئی۔ فی تولہ چاندی 7,205 روپے پر برقرار ہے۔