ٹرمپ کی فیلڈ مارشل عاصم منیر سے ذاتی قربت پاک امریکا تعلقات کی پیش رفت کی اہم وجہ ہے، فارن پالیسی

امریکی جریدے فارن پالیسی کے مطابق ٹرمپ کی فیلڈ مارشل عاصم منیر سے ذاتی قربت پاک امریکا تعلقات کی پیش رفت کی اہم وجہ ہے۔

امریکی جریدے فارن پالیسی کی رپورٹ کے مطابق واشنگٹن میں توازن پاکستان کے حق میں پلٹ گیا، صدر ٹرمپ کی نئی خارجہ پالیسی کے "ونرز” میں پاکستان جبکہ "لوزرز” میں بھارت شامل ہے۔

     فارن پالیسی کے مطابق ٹرمپ کے دوسرے دور میں پاکستان نے واشنگٹن میں اسٹریٹجک کم بیک کیا، واشنگٹن میں پاکستان کی واپسی کو خاموش مگر فیصلہ کن کامیابی قرار دیا گیا، پاکستان نے وہ حاصل کیا جو کئی اتحادی بھی نہ کرسکے۔

رپورٹ کے مطابق امریکا کے نزدیک پاکستان ایک بار پھر قابل قدر اور کار آمد شراکت دار بن گیا، پاکستان کی اسمارٹ حکمت عملی نے واشنگٹن میں طاقت کا توازن اسلام آباد کے حق میں بدل دیا، ٹرمپ دور میں پاکستان نے نہ صرف جگہ بنائی بلکہ اثر بھی قائم کیا۔

فارن پالیسی کے مطابق پاکستان کی پیش رفت نے خطے میں سفارتی نقشہ دوبارہ سے کھینچ دیا، واشنگٹن میں پاکستان کو دوبارہ سنجیدگی سے لیا جانے لگا، دہشت گرد حملے کے ماسٹر مائنڈ کی گرفتاری میں پاکستان کے کردار نے ٹرمپ کو کامیابی دی، پاکستان نے ٹرمپ کے "ٹرانزیکشنل” فریم میں نتیجہ خیز سفارت کاری کی۔

  رپورٹ کے مطابق کرپٹو کرنسی جیسے معاملات بھی پاک امریکا بات چیت اور ڈیلز کا حصہ بنے، اہم معدنیات پر تعاون اور سودوں پر بھی گفتگو کا ذکر آیا، ٹرمپ کی فیلڈ مارشل عاصم منیر سے ذاتی قربت پاک امریکا تعلقات کی پیش رفت کی اہم وجہ ہے۔

فارن پالیسی کے مطابق اوول آفس میں امریکی وزیر خارجہ مارکوروبیو نے فیلڈ مارشل اور وزیر اعظم کا استقبال کیا، ٹرمپ کی فیلڈ مارشل عاصم منیر سے ذاتی رغبت پیش رفت میں اہم عنصر قرار، فیلڈ مارشل عاصم منیر کی قیادت پاکستان کی واشنگٹن واپسی کا مرکزی ستون بنی، ٹرمپ کی فیلڈ مارشل عاصم منیر سے قربت نے پاک امریکا تعلقات کو نئی جہت دی۔

  رپورٹ کے مطابق واشنگٹن میں پاکستان کی آواز، عسکری قیادت کی بدولت پھر سے وزن دار بنی، فیلڈ مارشل عاصم منیر کا کردار تعلقات کی پیش رفت میں کلیدی عنصر ہے، پاکستان کی عسکری قیادت نے سفارت کاری میں اسٹریٹجک برتری دلوائی، پاکستانی سفیر رضوان سعید شیخ کے مطابق پاک امریکا تعلقات پھر سے بہت اچھے ہوگئے۔

فارن پالیسی کے مطابق پاکستانی سفیر کے مطابق اب اس موقع کو عملی نتائج میں بدلنا لازم ہے، پاکستان کی واشنگٹن میں پیش رفت نے بھارت کے تعلقات کو کمزور کردیا، جہاں پاکستان ٹرمپ کے ونرز میں، وہیں بھارت لوزرز کی صف میں کھڑا دکھائی دیا، پاکستان کا واشنگٹن میں کم بیک بھارت کے لیے سفارتی دھچکا ثابت ہوا، ٹرمپ دور میں پاکستان آگے، بھارت دفاعی اور سرد مہری کی پوزیشن پر چلا گیا۔

   رپورٹ کے مطابق پاکستان نے سفارتی برتری حاصل کی، بھارت تجارتی دباؤ میں رہا، امریکا بھارت تعلقات دو دہائیوں کی کم ترین سطح پر پہنچے، صدر ٹرمپ بھارت کی تجارتی پالیسیوں پر مایوس ہیں، بھارت کی روسی تیل خریداری بھی واشنگٹن کی ناراضی کی وجہ بنی، بھارت پر 50 فیصد ٹیرف برقرار ہیں اور تجارتی ڈیل تاحال غیر یقینی ہے۔