50 ویں چیف آف آرمی اسٹاف پولو اینڈ ٹینٹ پیگنگ چیمپئن شپ کا انعقاد

جناح پولو فیلڈز لاہور میں 50 ویں چیف آف آرمی اسٹاف پولو اینڈ ٹینٹ پیگنگ چیمپئن شپ کا انعقاد کیا گیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق چیمپئن شپ کی اختتامی تقریب میں مہمان خصوصی فیلڈ مارشل عاصم منیر نے شرکت کی۔

آئی ایس پی آر نے بتایا کہ کور کمانڈر لاہور اور چیئرمین پاکستان پولو فیڈریشن نے مہمان خصوصی کا استقبال کیا۔ چیمپئن شپ کو کھیلوں میں روایت، نظم و ضبط اور پیشہ ورانہ مہارت کی عکاس قرار دیا گیا۔

آئی ایس پی آر کے مطابق چیمپئن شپ میں مجموعی طور پر 8 ٹیموں نے حصہ لیا، جس میں پشاور کور نے پہلی اور گوجرانوالہ کور نے دوسری پوزیشن حاصل کی۔ مہمان خصوصی فیلڈ مارشل عاصم منیر نے فاتح کھلاڑیوں میں انعامات تقسیم کیے۔