پی آئی اے کا برطانوی آپریشن میں اضافے کا فیصلہ

پی آئی اے نے برطانیہ کے آپریشن کو بڑھانے کا اعلان کر دیا ہے اور لندن کے لیے نئی پروازیں شروع کرنے کا فیصلہ کیا ہے۔

تفصیلات کے مطابق اسلام آباد سے لندن کے لیے ہفتہ وار چار پروازیں 29 مارچ 2026 سے چلائی جائیں گی۔ یہ پروازیں لندن کے ہیتھرو ائیرپورٹ کے جدید ترین ٹرمینل 4 سے روانہ ہوں گی۔

پی آئی اے کے ترجمان کے مطابق لندن پی آئی اے کا سب سے پہلا بین الاقوامی اور انتہائی مقبول روٹ ہے۔ یاد رہے کہ لندن کے لیے پروازیں چھ سال کے وقفے کے بعد دوبارہ شروع کی جا رہی ہیں۔

 ترجمان نے بتایا کہ پی آئی اے پہلے ہی مانچسٹر کے لیے ہفتہ وار تین پروازیں آپریٹ کر رہا ہے اور اب برطانیہ میں اپنی موجودگی مزید مضبوط کرے گا۔

پی آئی اے کا مقصد بین الاقوامی مسافروں کو بہتر سہولیات فراہم کرنا اور برطانیہ کے ساتھ تعلقات کو فروغ دینا ہے۔ توقع ہے کہ نئی پروازیں آغاز سے ہی مسافروں میں مقبول ہوں گی اور کاروباری و سیاحتی سفر کے مواقع بڑھیں گے۔