سال 2026: ہونڈا سی ڈی 70 کی نئی قیمت سامنے آگئی

ایٹلس ہونڈا نے سال 2026 کے لیے اپنی مقبول موٹر سائیکل سی ڈی 70 مارکیٹ میں پیش کر دی ہے۔ یہ ماڈل جدید خصوصیات کے ساتھ دستیاب ہے اور قیمت 159,900 روپے مقرر کی گئی ہے۔

سی ڈی 70 میں 4-اسٹروک او ایچ سی ایئر کولڈ انجن نصب ہے، جو مضبوط، پائیدار اور قابل اعتماد کارکردگی فراہم کرتا ہے۔ موٹر سائیکل میں 4 اسپیڈ کانسٹنٹ میش ٹرانسمیشن دی گئی ہے اور کک اسٹارٹ کے ذریعے اسے آسانی سے اسٹارٹ کیا جا سکتا ہے۔

پیٹرول ٹینک کی مجموعی گنجائش 8.5 لیٹر ہے، جس میں 1 لیٹر ریزرو شامل ہے۔ یہ طویل سفر کے دوران اضافی سہولت فراہم کرتا ہے۔ صارفین سی ڈی 70 کو بلیو، ریڈ اور بلیک رنگوں میں خرید سکتے ہیں۔

تکنیکی اعتبار سے یہ ماڈل ملٹی پلیٹ ویٹ کلچ، بیک بون ٹائپ فریم اور 4 PR فرنٹ و بیک ٹائر کے ساتھ آتا ہے۔ فرنٹ ٹائر کا سائز 2.25-17 اور بیک ٹائر 2.50-17 ہے، جو بہتر گرفت اور مستحکم ڈرائیونگ کو یقینی بناتا ہے۔